( تيجي نرسم 
))
=================
تيجي نرسم حلم يكون تفصيل
ويكون كدا حلو على مقاسنا
ولا نرضى عنه بأي بديل
ونعيشه بروحنا وإحساسنا
،،،،،،،،،،،،،،،،،،،،،،،،،،
وها نطوى منه اى جراح
ونسامح الدنيا وافعالها
وقلوبنا بعد تعب ترتاح
ونبدل حالنا وأحوالها
،،،،،،،،،،،،،،،،،،،،،،،،،،،
نحلم ب لقا ومفهش فراق
وبأيد بتطبطب وتداوي
وقلوب مليانة من الأشواق
نبضها الحان ويا غناوي
،،،،،،،،،،،،،،،،،،،،،،،،،،،
تيجي نحلم حلم يكون ساهل
ولايعرف تضاريس وحدود
ع الصعب ندوس وهانتجاهل
ونتوه م الدنيا واى وجود
،،،،،،،،،،،،،،،،،،،،،،،،
فيها ايه لو كان حلمنا واقع ؟
ونجمله على قد مانقدر
ونبدل أشخاص ومواقع
ووشوش ولا يمكن يوم تغدر
،،،،،،،،،،،،،،،،،،،،،،،،
عاوزين نحلم نهزم خوفنا
ونقابل الدنيا بقلب حديد
ونزوق بالبسمة حروفنا
شمسنا تشرق على عهد جديد
===================
بقلم /. زينب سليم أحمد
ليست هناك تعليقات:
إرسال تعليق